Saga Dýralæknafélags Íslands
Saga félagsins er samtvinnuð dýralæknalöggjöfinni og þróun dýralækninga á Íslandi. Brynjólfur Sandholt tók saman árið 2001.
Föstudaginn þ. 7. september 1934 komu dýralæknarnir á Íslandi, en þeir voru sex talsins, saman til fundar á Hótel Borg í Reykjavík. Segir svo í fundargerðinni að fyrsta mál sem liggi fyrir fundinum sé að stofna félagsskap með dýralæknum landsins.
Úr fyrstu fundargerð félagsinsTilgangur samkvæmt fyrstu lögunum
- að vinna að sameiginlegum hagsmunamálum íslenskra dýralækna,
- efla samhug og viðkynni stéttarinnar,
- mæta á opinberum vettvangi fyrir hönd íslenskra dýralækna,
- auka faglega þekkingu meðlima með fræðsluerindum og umræðum.
- 1833
Fyrsti íslenski dýralæknirinn
Teitur Finnbogason lýkur prófi frá Dýralæknaskólanum í Kaupmannahöfn. Ekkert dýralæknisembætti var þá til og hann var aldrei á föstum launum.
- 1870
Barist við fjárkláðann
Snorri Jónsson er ráðinn dýralæknir 1870–1874 til aðstoðar í baráttunni við seinni fjárkláðann.
- 1891
Fyrstu lögin um dýralækna
Lög nr. 22 frá 2. október kveða á um tvo dýralækna, annan í Suður- og Vesturamti og hinn í Norður- og Austuramti. Fyrra embættið var skipað 1896 og hið síðara 1910. Síðan hefur landið ekki verið dýralæknislaust.
- 1934
Félagið stofnað á Hótel Borg
Sex dýralæknar landsins koma saman 7. september og stofna Dýralæknafélag Íslands. Fyrsta stjórn: Sigurður E. Hlíðar formaður, Hannes Jónsson og Jón Pálsson.
- 1947
Nútímalegra skipulag
Fyrstu efnislegu breytingarnar á lögunum frá 1891. Tveimur umdæmum bætt við og einn dýralæknir skal starfa sem sérfræðingur á Keldum.
- 1959
25 ára afmæli
Starfandi dýralæknar eru 17 talsins, þar af ein kona, sem þótti sérstakt á þeim tíma.
- 1970
Ný dýralæknalög
Frumvarp sem nefnd DÍ samdi og aðalfundur samþykkti 1969 verður að lögum, m.a. um staðaruppbót og rétt héraðsdýralækna til framhaldsnáms.
- 1989
Rannsóknarsjóður DÍ
Sjóðurinn verður til við undirritun kjarasamnings við ríkið.
- 1998
Lög nr. 66/1998
Réttlætismál úr frumvarpi DÍ frá 1969 nær fram: hið opinbera greiðir vitjun umfram 50 km.
- 1999
Eftirlit aðskilið frá praksís
Héraðsdýralæknaumdæmum fækkað í 13 sem fyrsti áfangi í að aðskilja opinbert eftirlit og þjónustu.
- 2010
Konur í meirihluta
68 konur eru við dýralæknisstörf, um 57% starfandi dýralækna. Tveir af hverjum þremur nýútskrifuðum eru konur.
- 2011
Sex umdæmi
Lagabreyting frá 2009 tekur gildi og héraðsdýralæknaumdæmum fækkar í sex.
- Í dag
156 félagsmenn
Auk fjórtán eftirlaunaþega. Héraðsdýralæknar Matvælastofnunar eru nú fjórir.