Frá námi í starf

Smelltu á númerin til að merkja við skref. Listinn vistast aðeins í þínum vafra.

1. 1
   Námið

   Viðurkennt dýralæknanám

   Dýralækningar eru ekki kenndar hér á landi. Ef dýralæknaháskóli í Evrópulandi veitir réttindi til dýralæknastarfa í því landi gildir það almennt innan EES. Nám utan EES metur Dýralæknaráð í hverju tilviki fyrir sig.

2. 2
   Matvælastofnun

   Sækja um starfsleyfi

   Sótt er um leyfi til dýralækninga í þjónustugátt Matvælastofnunar. Nám frá dýralæknaskólum er ekki sjálfkrafa viðurkennt hérlendis.

3. 3
   Matvælastofnun

   Viðtal og kennsla í búfjárheilsu

   Umsækjandi fer í viðtal hjá yfirdýralækni, eða öðrum dýralækni hjá MAST í umboði hans, og í kennslu í búfjárheilsu til að uppfylla kröfur leyfisins.

4. 4
   Þú

   Kynna þér lög og reglur

   Dýralæknum sem hefja störf á Íslandi ber að kynna sér íslensk lög og reglur um dýralækningar. Þeir sem starfa í opinberri þjónustu skulu hafa vald á íslenskri tungu.

5. 5
   Þú og vinnustaðurinn

   Tryggingar

   Tryggingar eru oftast í gegnum vinnustaðinn, en hver og einn getur líka keypt þá tryggingu sem hentar.

   • Trygging vegna óhapps eða mistaka í starfi
   • Berðu saman veikindatryggingu tryggingafélaga við réttindi úr sjúkra- eða styrktarsjóði BHM
6. 6
   Lyfjastofnun

   Lyf og búnaður

   Ef þú ætlar að selja lyf þarf að sækja um lyfsöluleyfi hjá Lyfjastofnun. Ekki þarf sérstakt leyfi fyrir lyfjum sem þú notar sjálf(ur) til meðhöndlunar sem hluta af meðferð.

   • Lyf fást hjá heildsölum, t.d. Vistor
   • Útbúnað má panta í gegnum Vistor eða erlendar síður
7. 7
   DÍ og vinnuveitandi

   Ganga í Dýralæknafélagið

   Láttu vinnuveitanda vita að þú viljir vera félagi í DÍ. Þá hefst innheimta félagsgjalds, 0,9% af heildarlaunum, ásamt greiðslum í sjóði BHM. Samhliða hefur þú samband við félagið á dyr@dyr.is.

8. 8
   DÍ

   Fá stimpilinn

   Félagið lætur útbúa stimpil með læknanúmeri þínu og nafni ásamt merki félagsins, sem þér er frjálst að nota.